Videoteca de la llingua asturllionesa

La Videoteca de la llingua asturllionesa quier amostrar la variedá interna de la llingua de boca de los sous falantes patrimoniales. Ou dicho d’outra manera, de las personas que mantienen viva la fala qu’aprendienon de las xeneraciones que las precedienon. A esi fin presentamos una colección de videos que gravemos en puntos distintos de la diversa xeografía que s’estiende de La Tierra de Miranda a la marina asturiana.

Creamos la Videoteca de la llingua asturllionesa pa cubrir un espaciu vacíu pero necesariu. Las colecciones de videos ou gravaciones sonoras disponibles hasta agora, todas ellas mui valiosas, tienen obxectivos ou características distintas a las que nós persiguimos con esti proxectu. A lo primeiro, nun existía un repositoriu d’accesu llibre de gravaciones de falantes d’asturllionés qu’abracara todu l’ámbitu de la llingua acorde cola súa realidá “tresfronteiriza”. Las colecciones existentes suelen tar dedicadas ya circunscritas a los ámbitos alministrativos y non a los límites lingüísticos. Faltaba tamién una colección centrada na muestra de la fala viva y que combinara imaxe, soníu y trescripción pa tresmitir una visión más completa de las palabras de los informadores. Cada gravación vien acompañada d’una trescripción del textu que puede activase en forma de subtítulos al pía del video ou descargase nun documentu aparte.

Finalmente, esti proxectu naz con vistas a l’actualización continua, de manera que va dir sumando progresivamente videos nuevos qu’enanten la serie pa representar tódalas variedades del asturllionés. Puedes visitala de cuando en cuando pa descubrir las novedades que váyamos cargando a la colección.

A continuación puedes ver no mapa las gravaciones disponibles hasta agora na colección y, despuéis del visor, los enganches p’acceder a cadagunu d’ellos.

Colección de videos:

  1. Trescastru (Forniella, Llión)
  2. Quintana de Fuseiros (Igüeña, Llión)
  3. Cuideiru (Cuideiru, Asturias)
  4. Temia (Rañeces, Grau, Asturias)

Comments are closed.