Campañas

Campaña pol reconocimientu oficial de la toponimia popular de Cuideiru (Asturias)

Cuideiru, 2018-2019

Nel añu 2018 organizáronse dúas charlas sobre la toponimia de Cuideiru, una n’Oubiñana y outra na capital municipal, y sacáronse a la venta camisetas colos nomes de tódolos llugares del conceyu. Paralelamente presentáronse alegaciones nos procesos d’oficialización de toponimia local que taba desenvolviendo’l Conceyu al marxe de los procedimientos establecíos pa esti fin pola alministración autonómica.

 

Campaña de promoción y apoyu de la retulación de la toponimia popular en Cabreira l’Alta (Llión)

Cabreira, 2015-2017

Nel añu 2015 El Teixu colaboróu cola asociación Faceira pa la edición d’un mapa del territoriu de Cabreira que recoyía los nomes populares de tódolos llugares y los sitios más importantes. Esi mesmu añu asesoróu tamién al Ayuntamientu de Trueitas pa la instalación de la señalización de los llugares nas vías públicas. Posteriormente, frente a los ataques sufríos por dellos carteles organizóuse una campaña d’apoyu consistente en cuatro acciones:

  • Llimpieza de carteles en colaboración con voluntarios de varias asociaciones locales.
  • Recoyida de firmas por medio de la plataforma Change.org n’apoyu a la instalación de cartelería bilingüe.
  • Edición de chaveiros cola forma de los carteles de Trueitas. Posteriormente sacáronse outros colos carteles de Truitiellas por encargu de los vecinos.

 

Campaña de retulación d’establecimientos públicos y comercios “Na llingua de casa”

Llión, 2013-2017

La campaña Na llingua de casa tien una misión normalizadora: busca visibilizar la llingua nos espacios públicos y enseñala como una ferramienta de comunicación útil pal mundu actual. Pa ello planificóuse’l repartu d’una serie de carteles gratuitos n’establecimientos públicos en dellos territorios de la xeografía llionesa: Ḷḷaciana, Palacios, Páramu, Torenu, El Bierciu, Cabreira, Senabria y Aliste.

El material repartidu consiste en trés tipos de carteles:

- Un cartel pa las puertas de los locales, qu’indican si están abiertas o pechadas (¡Pasái! Esti sitiu está abiertuSentímoslo, esti sitiu está pecháu). Tien un cordel que permite voltialu pa deixar visible la cara que proceda en cada momentu.
- Dúas placas pa señalar la dirección d’apertura de las puertas (tirareemburriare)
- Dúas placas pa distinguir baños de muyereshomes.

Hai varios modelos de carteles que recuéin las variantes que correspuenden a cada zona (por exemplu: muyeres ~ mucheres ~ mulleres). Amás d’eso, están disponibles con diseños y colores variaos p’adaptase meyor a la estética de cada sitiu.

[Trípticu]

 

Comments are closed.