El Teixu

Esti pasáu martes 18 d’outubre votóuse na Comisión d’Educación de las Cortes de Castiella y Llión una proposición non-de-llei presentada por Podemos pa regular la protección, l’usu y la promoción del llionés y pa implantar la materia de llionés dientro de las asignaturas de libre configuración autonómica. La votación foi de nueve votos en contra (del PP) frente a ocho a favor (PSOE, Podemos y IU) y una abstención (Ciudadanos).

Dende l’asociación El Teixu, Rede pal Estudiu y Defensa de la Llingua Asturllionesa nun podemos deixar pasar la vergonzosa intervención de la procuradora popular llionesa Ana Rosa Sopeña Ballina, que xustificóu el votu en contra del sou grupu lliendo mecánicamente un textu que parecía nun entender, zarabatiando repetidamente y exponiendo una argumentación que nos parez tan probe cumo inaceptable. Na pior tradición de la política española, Sopeña Ballina atrevíuse a calcular a güeyu la demanda ciudadana, valorándola a la súa conveniencia y esqueiciendo’l llabor d’asociaciones cumo la nuesa, que trabaya na calle mesmamente entamando campañas de normalización lingüística que nun fai (y que tendría que facer) la Xunta de Castiella y Llión. Porque’l gobiernu del Partido Popular, apesar de las advertencias que recibíu de distintas instancias, empérrase neciamente n’incumplir l’artículu 5.2 del estatutu d’autonomía, que manda regular la protección, l’usu y la promoción d’esta llengua. Un mandatu estatutariu que ye incumplíu pertinazmente y que nesti puntu sitúa a la Xunta de Castiella y Llión directamente fuera de la llei.

Continue reading →

El Teixu, Rede pal Estudiu y Defensa de la Llingua Asturllionesa, convoca, cola colaboración del Instituto de Estudios Bercianos, la segunda edición del sou Concursu de Recoyida de Toponimia Oral d’El Teixu na Comarca d’El Bierciu, col que se va premiar la investigación sobre la toponimia tradicional de la comarca berciana. Los trabayos que quieran participar no concursu tienen qu’entregase primeiro del 15 d’outubre d’aguaño.

Cada participante puede presentar unu ou dellos trabayos a concursu, circunscritos cada unu d’ellos al términu d’un llugar, no que se recoyerá’l máximu posible de topónimos: nomes de llugares y casas, ríos y llagunas, montes y accidentes orográficos, praos y caminos, fuentes y cruces… Los topónimos, en cualquier casu, tienen que tar recoyíos oralmente entre la población del términu y nun se van aceptar variantes artificiosas ou que solo sean de tipu documental ou alministrativu.

Continue reading →

El Teixu, Rede pal Estudiu y Defensa de la Llingua Asturllionesa, llevóu esti fin de sumana á comarca de Senabria a súa campaña de retulación de locales públicos, desenvolvida baixo’l títulu “Na llengua de casa”. Esta iniciativa, que quier facer visible l’asturllionés nos espacios de socialización cotidiana, de maneira qu’a llengua estía presente con normalidá, yá se desenvolvíu con gran éxitu en comarcas llionesas como Ḷḷaciana, El Bierciu, Maragatos o Cabreira.

Con el obxectivu de visibilizar l’asturllionés en Senabria, miembros y colaboradores d’El Teixu están repartindo de balde, cona ayuda del asociación El Huerto del Pozo, dous tipos distintos de carteles entre os comercios y establecimientos públicos da zona. Os primeiros sirven pa indicar se os locales están abiertos o pechaos (¡Pasái! Esti sitiu está abiertu / Sentímoslo, esti sitiu está pecháu) y outros distinguen os baños de mulleres y homes (cona variante muyeres y hombres pá Senabria más oriental). Están disponibles con diseños y colores variaos pa poder adaptarse mellor á estética de cada sitiu.

Continue reading →

Dende l’asociación El Teixu, Rede pal Estudiu y Defensa de la Llingua Asturllionesa, cumo defensora de los derechos llingüísticos de los falantes de llionés, vémonos na obrigación de responder a los comentarios feitos el miércoles pasáu pol presidente de la Deputación de Llión, Juan Martínez Majo.

El que los ciudadanos usen las distintas llinguas d’España pa expresase en y conas instituciones que los representan ye un exerciciu de llibertá básicu que namás puede ser cuestionáu por una persona qu’inda nun entendíu los principios más básicos de la democracia. Por ello, las cualificaciones de «lamentable», «bochornoso» y «vergonzoso» que dedicóu’l presidente de la Deputación de Llión, Juan Martínez Majo, al usu de distintas llinguas nel Senáu tienen que ser respondidas por toos aquellos qu’aspiren a apagar definitivamente los ecos qu’inda nun fuenon aplacaos de los tiempos predemocráticos. N’efecto, las manifestaciones públicas ou privadas nas diferentes llinguas d’España nun han de producir reacciones de repilu visceral tan torpes cumo la manifestada pol señor Martínez Majo. Nun taba de más recorda-y que ye la propia Constitución Española la que cualifica la diversidá llingüística d’España cumo «un padremuñu cultural que va ser obxectu de respectu especial y protección». Y cómo, si nun ye fomentando’l sou usu con dignidá plena, pensará’l presidente de la Deputación de Llión que se protexen las llinguas de España y se manifiesta’l respectu especial por ellas que garante’l textu constitucional. Parez estraño –pero ta a la vista– que depués de más de 37 años de vixencia de la Constitución de 1978, dellos de los sous defensores sedicentes nun asumieran, tovía, dellos de los sous principios básicos. Lo que fai sospechar, cuando menos, que la súa defensa de los valores constitucionales queda nuna declaración de intenciones tan balera cumo postiza y engañosa. Por ello, recomendamos al señor Martínez Majo qu’aproveche la oportunidá que-y da’l sou pasu pol Senáu pa curar los prexuicios malsanos que carez y procure, d’eiquí p’alantre, nun faltar al respectu de los ciudadanos a los que representa con afirmaciones anacrónicas y más propias de tiempos preconstitucionales. Y aguardamos qu’entienda que mucho más grave que las molestias que-y pueda causar el fechu de que «cada uno use la lengua que le da la gana» ye la negación continuada de los derechos llingüísticos más básicos de los ciudadanos de Llión.

Continue reading →

El Conseyu d’Europa acaba facer públicu’l cuartu informe sobre l’aplicación n’España de la Carta Europea de las Llinguas Rexonales ou Minoritarias, tratáu internacional ratificáu por España no 2001 pa la protección de las llinguas minoritarias europeas. Nesti informe, amás de reiterar expresamente que’l llionés ye una de las llinguas españolas protexidas por esta norma, critica duramente non solo la promoción nula del llionés por parte de las autoridades estatales y autonómicas, sinón que llamenta que nin Castiella y Llión nin l’Estáu Español, garante postreiru del cumprimientu del tratáu, proporcionaran la información preceptiva que tienen de remitir cada trés años al Conseyu d’Europa pa esti evaluar el grau de cumprimientu de la Carta, nesti casu nel ámbitu llionés. El Conseyu d’Europa reclamóu a las autoridades españolas y autonómicas que se-ys remitiera información detallada y específica sobre la situación del llionés en Castiella y Llión y sobre las mididas adoptadas pa l’aplicación de la Carta Europea nesa comunidá autónoma.

Continue reading →

XIV Xornadas de Cultura Tradicional de Furmientu
Biblioteca Pública de Zamora
Miércoles 27 de xañeiru del 2016

19:30: El Teixu, Rede pal estudiu y defensa de la llengua asturllionesa
José Alfredo Hernández. El Teixu

El Teixu, Rede pal Estudiu y Defensa de la Llingua Asturllionesa organiza na Casa del Pueblu de Cagüaḷḷes d’Abaxu esti próximu vienres 20 de noviembre a partir de las 20:00 horas un Magostu Cultural con música, castañas ya toponimia. L’actu va contar cona presencia de Fernando Álvarez-Balbuena, que va impartir la charla “Por qué Caguaḷḷes se chama Caguaḷḷes ya outras cuestiones toponímicas de Ḷḷaciana ya la redondada”. A continuación, va celebrase un filandón con música tradicional ḷḷacianiega en directo.

Pa continuar cono ḷḷabor realizáu n’outras comarcas, El Teixu ḷḷieva esti vienres 20 de noviembre la súa actividá a Ḷḷaciana, más concretamente a la Casa del Pueblu de Cagüaḷḷes d’Abaxu, onde va celebrar un Magostu Cultural no que se va tratar de la toponimia ḷḷacianiega ya va contase con música tradicional de la zona.

Continue reading →

Magostu cultural
Casa del Pueblu, Caguaḷḷes d’Abaxu (Ḷḷaciana)
Vienres 20 de noviembre del 2015

20:00: Por qué Caguaḷḷes se chama Caguaḷḷes ya outras cuestiones toponímicas de Ḷḷaciana ya la redondada
Fernando Álvarez-Balbuena

21:00: Magostu con música tradicional ḷḷacianiega en directo

¡La entrada yía ḷḷibre pa todu’l mundu!

El Teixu, Rede pal Estudiu y Defensa de la Llingua Asturllionesa acaba de presentar una campaña en Change.org p’apoyar la promoción de la llengua autóctona llevada a cabu pol Ayuntamientu de Trueitas cona colocación de carteles billingües pa la señalización de las direcciones y la entrada de los puebros d’esti municipiu. En apenas una sumana, la campaña consiguiéu yá más de cuatrocientas firmas.

La campaña consiste nuna carta dirixida al alcalde de Trueitas, Francisco Simón Callejo, disponible en https://www.change.org/p/francisco-sim%C3%B3n-callejo-alcalde-presidente-del-ayuntamiento-de-truchas-cabrera-le%C3%B3n-defender-la-promoci%C3%B3n-de-la-lengua-aut%C3%B3ctona-en-truchas-le%C3%B3n. Na misiva, El Teixu destaca que la colocación d’estos carteles ye un “actu de xusticia” pa cona llengua y la cultura tradicional de Cabreira, al tiempu que convierte al gobiernu municipal de Trueitas na “primeira administración que se decide a facer respectar el mandatu del artículu 5.2 del Estatutu d’Autonomía de Castiella y Llión”.

Continue reading →

La instalación de carteles bilingües en Trueitas ye una midida que fai xusticia a la llengua y la cultura tradicional de Cabreira, la primeira que cumpre’l mandáu estatutariu de protección y promoción del llionés. Esta midida foi aplaudida de maneira xeneralizada, pero nun faltoron vándalos que la atacaran, situaos siempre contra la igualdá de dereitos. Ayúdanos a apoyar al alcalde de Trueitas y a facilitar qu’outras alministraciones sigan el sou exempru firmando y mandando la siguiente carta: https://www.change.org/p/francisco-sim%C3%B3n-callejo-alcalde-presidente-del-ayuntamiento-de-truchas-cabrera-le%C3%B3n-defender-la-promoci%C3%B3n-de-la-lengua-aut%C3%B3ctona-en-truchas-le%C3%B3n.