El Teixu convoca un concursu infantil de recoyida de toponimia nas escuelas de La Valdería

El Teixu, Rede pal Estudiu y Defensa de la Llingua Asturllionesa, convoca’l I Concursu Infantil de Recoyida de Toponimia Oral na Valdería, dirixíu al alumnáu menor de 14 años d’esta comarca. Los trabayos tienen que entregase antias del 4 de diciembre nas dependencias de las escuelas de Castrucarbón ou Castrucontrigu.

Con esti concursu quier animase a los rapaces y rapazas de La Valdería a convertise en pequeños investigadores de la toponimia de la súa contorna, escoyendo buenos informantes a través polos cuales puedan conecer los ñombres de los sitios de la comarca. El modelu que se presenta a los alumnos permite que recueyan todu tipu de topónimos, asina cumo liendas y historias relacionadas conos sitios del sou pueblu. Amás, incluise la posibilidá de debuxar un mapa del llugar escoyíu pa la investigación.

Cada participante puede presentar unu ou más trabayos a concursu, siempre que correspuendan a pueblos distintos. Neillos, recoyerase’l máximu posible de topónimos: barrios, molinos, puentes, ríos y regueiros, llagunas, tierras, praos, termaneras, montes, sierras, picos, peñas y piñeos, fuentes… Los topónimos, en cualquier casu, tienen qu’estar recoyíos oralmente entre la población del términu. La inclusión de material complementariu y la diferencia d’edá de los participantes será un factor consideráu pol xuri a la hora d’escoyer los trabayos premiaos.

Pa participar nel concursu, los trabayos tienen que entregase antias del 4 de diciembre d’aguaño nas dependencias del CRA Ería Jamuz en Castrucarbón (C/Las Escuelas, 6) ou del CEIP Antonio Justel de Castrucontrigu (C/Las Escuelas, s/n). El resultáu del concursu conocerase’l sábadu 22 de diciembre, durante la celebración de las VI Xornadas de Padremuñu Lingüísticu y Cultural organizadas por El Teixu nel Centru Cultural de Ñogareyas.

Un xuri formáu por trés personas, escoyidas entre miembros d’El Teixu, expertos en lingüística y xeografía y estudiosos de La Valdería y las comarcas vecinas, que nun conecerán l’autoría de los trabayos, va outorgar un primer premiu, consistente nun lote de llibros y de productos artesanos de la Valdería. El xuri puede establecer hasta trés segundos premios, que recibirán tamién llibros y productos artesanos cumo premiu.

El conecimientu de la toponimia tradicional del espaciu llingüísticu asturllionés ye unu de los obxectivos principales d’El Teixu, no que trabaya tanto cona investigación directa cumo promoviendo concursos de recoyida toponímica. Hasta agora, esta asociación tien realizaos dos certámenes de recoyida p’adultos no Bierciu y con esti concursu estrénase na Valdería con un formatu completamente ñuevu, dirixíu a los más pequeños de la casa.

La toponimia tradicional, esqueicida pola alministración, todavía permanez viva na Valdería, cumo una muestra más de la cultura que s’expresa n’asturllionés. Implicar a las xeneraciones más ñuevas no usu, na defensa y na investigación d’esti tesouru de valor incalculable ye una manera de garantir que nun desapaeza.

Bases del I Concursu Infantil de Recoyida de Toponimia Oral na Valdería

This entry was posted in Uncategorized. Bookmark the permalink.

Comments are closed.